السَّلَامُ عَلَيْكُمْ وَرَحْمَةُ اللهِ وَبَرَكَاتُهُ
🥘 NYABLAK ABI [SERI 4]
Kamus Logat Betawi Cengkareng
Khusus Lidah Pedongkelan: Huruf "D"
Assalamu'alaikum Sahabat BABA! Makin asik khan belajar logat Betawi? Sekarang kite masuk ke Huruf D. Jangan ampe kelewatan, soalnye banyak kata-kata unik nyang mungkin jarang Ente denger di tipi. Nyok, kite bongkar!
| NO | ISTILAH | ARTI | CONTOH NYABLAK |
|---|---|---|---|
| 1 | Danta | Jelas / Beres | "Kalo ngomong nyang danta napa, biar orang kaga bingung dengerinnye." |
| 2 | Deblak | Buka lebar | "Itu pintu jangan dideblakin bae, ntar nyamuk pada masuk semua!" |
| 3 | Demdeman | Hobi / Kesukaan | "Emang udeh demdeman dia mah main burung doro tiap sore." |
| 4 | Deprok | Duduk di lantai | "Udah kite deprokan bae di mari, nyantai sambil minum kopi." |
| 5 | Dongo | Bodoh / Bengong | "Ditanyain malah dongo bae, cepetan jawab jangan kelamaan!" |
Kagak nemu kata nyang Ente cari?
Punya istilah Betawi Cengkareng laen nyang belom ada di daftar?
Tumpahin di kolom komentar! Ntar Abi sortir biar masuk ke edisi revisi.
"Kalo kaga kite nyang jagain, siape lagi?"
✨ Nasehat Abi buat Sahabat BABA
Aqidah: Hidup kudu 'Danta' (jelas) tujuannye, yeitu cari ridho Allah. Jangan sampe kite 'Dongo' soal akhirat tapi pinter banget soal urusan dunia. Nyari berkah itu kudu jelas jalannye, lurus ngikutin tuntunan ulama Asy'ariyah.
Aseli Betawi mah tetep tegak, ilmunya mantep, budayanya kaga bakalan retak!
Buka kitab jangan asal sikat, Biar adab bikin ilmu makin berkat!
Buka kitab jangan asal sikat, Biar adab bikin ilmu makin berkat!
وَالسَّلَامُ عَلَيْكُمْ وَرَحْمَةُ اللهِ وَبَرَكَاتُهُ
Ahmad Thoufur Abi (Ustadz Betawi Nyablak)